दीया ले सीखो

"दीया ले सीखो"
-----------------------------
देवारी के नानचुन दीया रिगबिग-रिगबिग बरत हे,
का अमीर,का गरीब कोई संग भेद नइ करत हे,
सबके घर-दुवार म अंजोर बरोबर करत हे,
परहित के खातिर बाती ह जरत हे,
अपन नानचुन जिनगी ल सफल करत हे,
संगे-संग मनखे परानी ल सन्देश देवत चलत हे,
कि तन म अपन चरित्तर के तेल भरो,
जरो त काकरो उन्नति ले नहीं, परहित के खातिर जरो; तेल अउ बाती बिना, जइसे दीया बेकार हे,
उही ढंग ले बेवहार बिना मनखे जीवन बेकार हे
माटी के काया ल माटी झन बनाओ,
दीया ले सीखो जीना, नित दीया कस जगमगाओ।।
----------------------------------------------
राम कुमार चन्द्रवंशी
ग्राम+पोष्ट-बेलरगोंदी
जिला-राजनांदगाँव(छ.ग.)
9179798316
दैनिक दावा rjn में 13/10/17 को प्रकाशित।