नइ मिले फेसन मा रोटी ह
"नइ मिले फेसन म रोटी ह"
------------------------------------------
नइ मिले फेसन म रोटी ह रे।
कर ले करम के खेती ल रे।
आमदनी कुछु नहीं,खर्चा रुपैया,
आनी-बानी के फेसन करत हावे भइया;
बांचे नहीं अइसन म लंगोटी ह रे।
काम के न कौड़ी अउ शौंक बड़ा भारी,
पुरखा के कमई म दौंड़ावत हे गाड़ी;
बने नहीं,मगज राखे चेथी म रे।
हाथ म मोबाइल,बघारे बर शेखी
घेरी-बेरी,जघा-जघा लेवत हे सेल्फ़ी;
दिही कोन अइसन बर बेटी ल रे?
बइठे-बइठे सपना ह काकर संवरथे?
करथे जउन मेहनत ओकरे जिनगी बनथे,
बिना तेल बरे नहीं बाती ह रे।
नइ मिले फेसन म रोटी ह रे,
कर ले करम के खेती ल रे।
--------------------------------------------------
राम कुमार चन्द्रवंशी
ग्राम+पोष्ट-बेलरगोंदी
वि.खं.-छुरिया
जिला-राजनांदगाँव(छ.ग.)
9179798316
Comments
Post a Comment