जनम दिन बधाई
जनम दिन की बधाई
---------------------------------
निक करम करत चलव,करव नित कमाल,
जनम दिन बधाई,जियव हजारों साल।
जिनगी मा बढव नित छुवव अगास ला,
गड़य झन पाँव मा कभू काँटा ना फाँस हा,
नित गरीबी,बदनसीबी मान जाय हार,
जनम दिन बधाई,जियव हजारों साल।
देख करम आपके नित बिपत थरथराय,
बुझय झन दीया हर आपके जलाय;
हवा-धुंका लुका फिरे होवय नित बेहाल,
जनम दिन बधाई,जियव हजारों साल।
जिनगी मा आपके रहय नित अँजोर,
दुनिया मा होवत रहय आपके शोर;
विनती इही देवता मन ले करत हँव 'कुमार'
जनम दिन बधाई,जियव हजारों साल।।
राम कुमार चन्द्रवंशी
बेलरगोंदी (छुरिया)
जिला-राजनांदगाँव
9179798316
Comments
Post a Comment