कहमुक़री

कहमुक़री√(प्रकाशित) Date: Feb 11, 2019 Subject: कहमुक़री√
शुरू के दू लाइन 16-16 तीसरा 15-17 चौथा 7-8 मात्रा मा सफाई।

            "कहमुक़री"
     ----------------------------
               आमा
आवय बसंत रूप ल सजाय।
महर-महर वो गजब ममहाय।
घूमे गाँव-शहर जस श्यामा।
का सखि,सजना?ना सखि,आमा।।

              कोइली
गीत ओकर,मोर मन ल भाय।
गा-गा के वो मोला रिझाय।
गुरतुर लगे ओकर बोली।
का सखि,सजना?नहीं,कोइली।।

              भँवरा
घूम-घूम के बंसी बजाय।
मोर मन ला गजब वो रिझाय।
निक लागय बजे जस तमूरा।
का सखि,सजना?ना सखि,भँवरा।।

              तितली
बड़ निक लागय बगिया म आय।
एती-ओती बड़ मटमटाय।
धरे फिरय संग म दू सुपली।
का सखि,सजना?ना सखि,तितली।

         राम कुमार चन्द्रवंशी
         बेलरगोंदी (छुरिया)
         जिला-राजनांदगाँव
          9179798316
प्रकाशित दैनिक भास्कर 4/3/2019