वादा अउ वचन

(कुंडलियाँ)

       "वादा अउ वचन"

वादा,वचन म भेद हे, सुनलव संगी आज।
वादा उपजे होंठ ले, वचन हृदय आवाज।
वचन हृदय आवाज, कठिन हे वचन निभाना।
पड़गे दशरथ,कर्ण, दुनो ला प्राण गँवाना।
वादा के व्यापार, चलत हे जग मा जादा।
करना हे आसान, तभे सब करथे वादा।।

वादा परदा झूठ के, वचन हरे जी ताज।
देख सहजता लोग सब, करथे वादा आज।
करथे वादा आज, चलन हे एकर काफी।
वादा जाये टूट, बोल सॉरी सब माफी।
हवे वचन के मोल, ब्याह मा काफी जादा।
बिन गारंटी बोल, समझलव संगी वादा।।

           राम कुमार चन्द्रवंशी
           बेलरगोंदी (छुरिया)
           जिला-राजनांदगाँव
            9179798316