कदर समय के नित करव

(कुंडलियाँ छन्द)

         "कदर समय के नित करव"

कदर समय के नित करव,किस्मत रहिही साथ।
कारज समय रहत करव, आही सब कुछ हाथ।
आही सब कुछ हाथ,करम नित हँस के करलौ।
कभू न मानौ हार,देह मा हिम्मत भरलौ।
आलस करना छोड़,कामना करलौ जय के।
पक्का होगी जीत,करव नित कदर समय के।।

करे समय के जे कदर,पाथे वोहर मान।
बोथे आमा बीज जे,फ़र पाथे इंसान।
फ़र पाथे इंसान,सदा निक कारज करलौ।
करना हे साकार,चित्त मा सपना धरलौ।
गूँजे नित संसार,सदा ही तुँहर विजय के।
पावय जग में मान, कदर जे करे समय के।।

        राम कुमार चन्द्रवंशी
        बेलरगोंदी (छुरिया)
        जिला-राजनांदगाँव
        9179798316
प्रकाशित दैनिक दावा RJN 4/7/2019